Ֆիլիպ Կրեյվենը Սոչիի Պարալիմպիկ խաղերը հայտարարեց փակված

Սոչիում մարտի 16-ին կայացավ ձմեռային Պարալիմպիկ խաղերի փակումը:

Փակման հանդիսավոր արարողության ընթացքում տեղի ունեցած շոուից եւ մարզիկների շքերթից հետո Պարալիմպիկ խաղերի դրոշը փոխանցվեց Հարավային Կորեայի ներկայացուցիչներին: Չորս տարի անց Խաղերը կանցկացվեն հարավկորեական Փհյոնչան քաղաքում: 

Դրանից հետո Միջազգային պարալիմպիկ կոմիտեի նախագահ Ֆիլիպ Կրեյվենը Պարալիմպիկ խաղերը հայտարարեց փակված, գրում է Р-Спорт-ը:

Մեդալային հաշվարկում հաղթեցին ռուսները, ովքեր նվաճեցին 30 ոսկե, 28 արծաթե եւ 22 բրոնզե մեդալ:

Հիշեցնենք, որ Սոչիի Պարալիմպիկ խաղերում Հայաստանի միակ ներկայացուցիչ Մհեր Ավանեսյանը լեռնադահուկային սպորտի ոլորավայրէջքում գրավել էր 34-րդ տեղը: