Շտիգլիցը հրավիրել է Աբրահամին

Երկրորդ միջին քաշային կարգում (մինչեւ 76,2 կգ) WBO վարկածով աշխարհի չեմպիոն Ռոբերտ Շտիգլիցը (Գերմանիա) Արթուր Աբրահամին հրավիրել է մայիսի 5-ին Գերմանիայի Էրֆրուտ քաղաքում ներկա լինել ավստրալացի Նադեր Համդանի հետ մենամարտին:

 «Մենք հրավիրատոմս ենք ուղարկել Արթուր Աբրահամին, քանի որ տիտղոսիս պարտադիր պաշտպանության ժամանակ իմ մրցակիցները անհետանում են: Միկել Կեսլերը, Դմիտրի Սարտիսոնը եւս մի երկուսը անհետացան, հիվանդացան, կամ տեղափոխվեցին այլ քաշային կարգ:

Աբրամանին հրավեր ուղարկելով` մենք կատակ ենք արել, բայց ամեն կատակում ճշմարտություն կա: Կարծում եմ` Արթուրը կգա, քանի որ մենամարտը կազմակերպում է նրա պրոմոուտերական թիմը», - Շտիգլիցի խոսքը մեջբերում է sportbox.ru-ն: