Լեւոն Արոնյանը հաղթեց ադրբեջանցի Մամեդյարովին
16:19 14 մարտի, 2014ՖԻԴԵ-ի դասակարգման երկրորդ համար Լեւոն Արոնյանը Ռուսաստանի Խանտի Մանսիսկ քաղաքում շարունակվող շախմատի աշխարհի չեմպիոնի հավակնորդների մրցաշարի երկրորդ տուրում սպիտակներով հաղթեց ադրբեջանցի Շաքրիյար Մամեդյարովին։
Հայաստանի ուժեղագույն շախմատիստի մրցակիցը 44-րդ քայլում ստիպված էր ընդունել իր պարտությունը։ Հնդիկ Վիշվանաթան Անանդը կիսեց միավորը բուլղարացի Վեսելին Տոպալովի հետ։ Զուգահեռ ընթանում են նաեւ Պետեր Սվիդլեր - Դմիտրի Անդրեյկին եւ Վլադիմիր Կրամնիկ - Սերգեյ Կարյակին պարտիաները։
Հիշեցնենք, որ առաջին տուրում Հայաստանի հավաքականի առաջատարը սեւերով պարտվել էր աշխարհի նախկին չեմպիոն, հնդիկ Վիշվանաթան Անանդին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։