Derwesten.de. Հենրիխ Մխիթարյանի բացակայությունը գլուխկոտրուկ է Յուրգեն Կլոպի համար
12:09 14 մարտի, 2014Ո՞վ կփորարինի Հենրիխ Մխիթարյանին: Այսպիսի հարց է տալիս derwesten.de-ն ֆուտբոլի Գերմանիայի առաջնության 25-րդ տուրի՝ Դորտմունդի եւ Մյոնխենգլադբախի «Բորուսիաների» միջեւ հանդիպման նախօրեին։ Դորտմունդցիների եւ Հայաստանի հավաքականի կիսապաշտպան Հենրիխ Մխիթարյանը բաց կթողնի հանդիպումը դեղին քարտերի պատճառով։
«Հայ կիսապաշտպանի բացակայությունն իսկական գլուխկոտրուկ է Յուրգեն Կլոպի համար։ Կարող են խնդիրներ առաջանալ խաղի կազմակերպման մեջ։ Հենրիխի դիրքում կարող են հանդես գալ Յոնաս Հոֆմանը եւ սերբ կիսապաշտպան Միլոշ Յոյիչը։ Սակայն կստացվի արդյոք փոխարինել Մխիթարյանին՝ մեծ հարց է»,- գրում է գերմանական պարբերականը։
Հանդիպումը կկայանա մարտի 15-ին «Սիգնալ Իդունա Պարկում» եւ կմեկնարկի Երեւանի ժամանակով 18։30-ին։Բունդեսլիգայի 24-րդ տուրից հետո դորտմունդցիները 48 միավորով երկրորդն են, իսկ մյոնխենգլադբախցիները 36 միավորով 8-րդը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։