Ազգային հավաքականի նոր համազգեստի շնորհանդեսը (ֆոտոռեպորտաժ)
12:38 5 մայիսի, 2012Հայաստանի ֆուտբոլի ֆեդերացիայում կայացավ ազգային հավաքականի նոր մարզահագուստի շնորհանդեսը (ֆոտոռեպորտաժ): Ֆեդերացիան երկու տարվա պայմանագիր ունի աշխարհահռչակ «Ադիդաս» ընկերության հետ: Հետագայում պայմանագիրը կարող է երկարաձգվել:
Հավաքականի նոր համազգեստը միագույն է: Տնային հանդիպումներում ազգային հավաքականը հանդես կգա կարմիր, իսկ արտագնա խաղերում` սպիտակ համազգեստով: Մարզաշապիկին Հայաստանի զինանշանն է:
Հավաքականի գլխավոր մարզիչ Վարդան Մինասյանը շնորհանդեսի ժամանակ նշեց, որ լրագրողների նման առաջին անգամ է տեսնում նոր համազգեստը եւ կարծում է, որ այն շատ գեղեցիկ է, «Ադիդասն» էլ բարձրակարգ արտադրող է: Մինասյանը հույս հայտնեց, որ նոր համազգեստով թիմը հաջող հանդես կգա:
Հավաքականի ավագ Սարգիս Հովսեփյանը նշեց, որ նախորդ համազգեստի գույների համադրությունն այնքան էլ հաջող չէր, «Ադիդասն» էլ «Հյումմելից» շատ ավելի բարձրակարգ ընկերություն է:
Լրագրողները նոր մարզահագուստի գույները նմանեցրին Իսպանիայի եւ Հունաստանի տնային համազգեստի գույների հետ, ինչին ի պատասխան Սարգիս Հովսեփյանն ասաց, որ նմանեցնել պետք չէ այլ երկրների հավաքականների մարզահագուստին:
Հայաստանի հավաքականի նոր մարզահագուստը շուտով կլինի ազատ վաճառքում:
ՀՖՖ նախագահ Ռուբեն Հայրապետյանը շնորհանդեսին չմասնակցեց, քանի որ խորհրդարանական ընտրարշավում «լռության օր» է:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.