Մարտի 13-ին Ռուսաստանի Խանտի Մանսիսկ քաղաքում կմեկնարկի շախմատի աշխարհի չեմպիոնի հավակնորդների մրցաշարը։
Շախմատի համաշխարհային Օլիմպիադայի եռակի չեմպիոն Հայաստանի հավաքականի առաջատար Լեւոն Արոնյանը մրցաշարի առաջին տուրում կմրցի աշխարհի նախկին չեմպիոն Վիշվանաթան Անանդի հետ։ Պարտիաները կմեկնարկեն Երեւանի ժամանակով 13։00-ին։
Մրցաշարին մասնակցում են նաեւ ռուսաստանցի Վլադիմիր Կրամնիկը, Դմիտրի Անդրեյկինը, Սերգեյ Կարյակինը, Պյոտր Սվիդլերը, բուլղարացի Վեսելին Տոպալովը եւ ադրբեջանցի Շաքրիյար Մամեդյարովը։
Հիշեցնենք, որ մրցաշարի հաղթողը հնարավորություն կստանա աշխարհի չեմպիոնի կոչման համար մրցամարտ անցկացնել ՖԻԴԵ-ի դասակարգման առաջին համար, աշխարհի չեմպիոն Մագնուս Կարլսենի հետ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։