Լեւոն Հայրապետյանը վիրահատվել է Մյունխենում

21:47   8 մարտի, 2014

Հայաստանի հավաքականի եւ չեխական «Պրիբրամի» պաշտպան Լեւոն Հայրապետյանը աճուկի վիրահատության է ենթարկվել Մյունխենում: Այդ մասին 24-ամյա ֆուտբոլիստը հայտնեց NEWS.am Sport-ի թղթակցի հետ զրույցում:

«Վիրահատությունս հաջող է անցել: 2 շաբաթից կկարողանամ սկսել մարզումները, իսկ 3-4 շաբաթից պատրաստ կլինեմ խաղադաշտ դուրս գալուն»,- զրույցում հայտնեց Հայրապետյանը:

Հիշեցնենք, որ վնասվածքի պատճառով Լեւոն Հայրապետյանը չէր մասնակցել Ռուսաստանի հավաքականի դեմ ընկերական խաղին, ինչպես նաեւ բաց է թողել «Պրիբրամի» նախորդ հանդիպումները:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։