Ժիրինովսկին կոչ է արել Ռուսաստանի հավաքականում չընդգրկել ամուսնացած մարզիկներին
21:58 6 մարտի, 2014Ռուսաստանի լիբերալ դեմոկրատական կուսակցության առաջնորդ Վլադիմիր Ժիրինովսկին մարտի 5-ին Կրասնոդարում կայացած Ռուսաստան - Հայաստան ընկերական հանդիպումից հետո Sovsport-ին տված հարցազրույցի ժամանակ հայտարարել է, որ Ռուսաստանի հավաքականում պետք չէ ընդգրկել ամուսնացած մարզիկներին։ Նա ասել է, որ մարզիկների կանայք անընդհատ շեղում են իրենց ամուսիններին՝ մեկնաբանելով Սոչիի Օլիմպիական խաղերում հոկեյի Ռուսաստանի հավաքականի անհաջող ելույթը։
«Ամուսնացածներին չընդգրկել հավաքականում։ Իսկ ով ամուսնացած է, թող անհապաղ բաժանվի կնոջից։ Դա խանգարում է մարզվելուն։ Կանայք զանգահարում են եւ ասում. «Վերադարձիր, պետք է գնանք կենդանաբանական այգի կամ խանութ»։
Խանգարում են։ Խաղա մինչեւ 30 կամ 25 տարեկան, այնուհետեւ արա, ինչ ուզում ես։ Այդ պատճառով կազակներն անպարտելի էին. նրանք չէին ամուսնանում»,- ասել է Ժիրինովսկին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.