«Մանչեսթեր Սիթին» երրորդ անգամ դարձավ ֆուտբոլի Անգլիական լիգայի գավաթի խաղարկության հաղթող՝ կրկնելով 1970-ի եւ 1976-ի հաջողությունը:
Լոնդոնի «Ուեմբլի» ստադինում կայացած եզրափակիչում մանչեսթերցիները 3:1 հաշվով կամային հաղթանակ տարան «Սանդերլենդի» նկատմամբ: Առաջին խաղակեսից հետո սանդերլենդցիներն իտալացի հարակվող Ֆաբիո Բորինիի խփած գոլի շնորհիվ առջեւում էին հաշվի մեջ, սակայն երկրորդ խաղակեսում Մանուել Պելեգրինիի թիմը 2 րոպեում խփեց 2 գոլ՝ առաջ անցնելով հաշվի մեջ: 55-րդ րոպեին Յայան Տուրեն հավասարեցրեց հաշիվը, իսկ մեկ րոպե անց ֆրանսիացի Սամիր Նասրին երկրորդ գնդակն ուղարկեց «Սանդերլենդի» դարպասը: 90-րդ րոպեին իսպանացի Խեսուս Նավասը խփեց նաեւ «Մանչեսթեր Սիթիի» երրորդ գոլը՝ վերջակետ դնելով խաղին:
Հիշեցնենք, որ կիսաեզրափակիչում «Սանդերլենդը» պայքարից դուրս էր թողել «Մանչեսթեր Յունայթեդին», իսկ «Մանչեսթեր Սիթին» շանս չէր տվել «Վեստ Հեմին»:
Անգլիական լիգայի գավաթ, եզրափակիչ
«Մանչեսթեր Սիթի» - «Սանդերլենդ»՝ 3:1
Յայա Տուրե, 55, Սամիր Նասրի, 56, Խեսուս Նավաս, 90 – Ֆաբիո Բորինի, 10
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։