Բռնցքամարտի Հայաստանի առաջնության կիսաեզրափակիչի մասնակիցները
19:32 28 փետրվարի, 2014Երեւանի «Դինամո» մարզադահլիճում կայացան բռնցքամարտի Հայաստանի մեծահասակների առաջնության քառորդ եզրափակիչի մենամարտերը: Կիսաեզրափակիչի ուղեգրի համար պայքարեցին 60, 64, 69 եւ 75 կգ քաշային կարգերի բռնցքամարտիկները, հայտնում են Հայաստանի բռնցքամարտի ֆեդերացիայի մամուլի ծառայությունից:
60 կգ քաշային կարգում հաջող ելույթ ունեցավ Գեղարքունիքի մարզը ներկայացնող Հայրիկ Նազարյանը եւ մրցավարների միաձայն որոշմամբ ճանաչվեց հաղթող: Այս քաշային կարգում հաղթանակ տարան նաեւ Անդրանիկ Հլոյանը, Արթուր Վարդանյանը եւ Կարեն Տոնականյանը:
64 կգ քաշային կարգում կիսաեզրափակիչի ուղեգիր նվաճեցին դինամոյական Գոռ Երիցյանը, Էջմիածինը ներկայացնող Արա Պլուզյանը, Հովհաննես Բաչկովն ու Մաքսիմ Ակոպովը:
69 կգ քաշային կարգում վստահ հաղթանակներ տարան Վլադիմիր Մարգարյանը եւ Ռաֆայել Բարսեղյանը: Արթուր Սարգսյան - Էդգար Ղուկասյան մենամարտում, բռնցքամարտին ոչ հարիր մենամարտ անցկացնելու պատճառով, մրցավարական հանձնաժողովը երկու մարզիկներին էլ որակազրկեց: Լեո Պապյանին էլ հաղթանակ շնորհվեց մրցակցի չներկայանալու պատճառով:
75կգ քաշային կարգում ուժգին հարվածով մենամարտն առաջին իսկ ռաունդում ավարտեց Շիրակի մարզը ներկայացնող Արման Հովհիկյանը: Կիսաեզրափակչի ուղեգրեր նվաճեցին նաեւ Արտյոմ Գալստյանը, Գոռ Ջեւելիկյանը եւ Արման Դարչինյանը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.