Արթուր Աբրահամ. Այս մենամարտն «ամեն ինչ, կամ ոչինչ» ժանրից է

00:50   26 փետրվարի, 2014

Պրոֆեսիոնալ բռնցքամարտի սուպերմիջին քաշային կարգում աշխարհի նախկին չեմպիոն Արթուր Աբրահամը (38-4, 28 նոկաուտ) անդրադարձել է աշխարհի գործող չեմպիոն Ռոբերտ Շտիգլիցի դեմ մենամարտին:

«Այս մենամարտն «ամեն ինչ, կամ ոչինչ» ժանրից է: Կանեմ ամեն բան, որպեսզի վերադարձնեմ չեմպիոնական տիտղոսս, ինչպես նաեւ մարզիչիս, հարազատներիս, երկրպագուներիս եւ բոլոր ինձ հավատացողների վստահությունն արդարացնելու համար: Այս պահին դա իմ միակ եւ գլխավոր նպատակն է»,- 34-ամյա Աբրահամի խոսքը մեջբերում է sport.de-ն:

Հիշեցնենք, որ Աբրահամի եւ 32-ամյա Շտիգլիցի (46-3, 26 նոկաուտ) միջեւ մենամարտը կկայանա մարտի 1-ին գերմանական Մագդեբուրգում։ Դա կլինի նրանց միջեւ երրորդ հանդիպումը։ Առաջին մենամարտում հայ բռնցքամարտիկը հաղթել էր միավորներով՝ դառնալով աշխարհի չեմպիոն, իսկ ռեւանշ մենամարտում գերմանացին առավելության էր հասել տեխնիկական նոկաուտով՝ վերադարձնելով տիտղոսը:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։