Դահուկային սպորտի կանանց 30 կմ ընդհանուր մեկնարկով վազքում Սոչիի 22-րդ ձմեռային օլիմպիական խաղերի մեդալ նվաճեցին միայն Նորվեգիայի ներկայացուցիչները: Սոչիում իր երրորդ չեմպիոնական տիտղոսը նվաճեց Մարիտ Բյորգենը՝ դառնալով վեցակի օլիմպիական չեմպիոն: Այդ նվաճումով նա հավասարվեց Վիկտոր Անին, Լիդիա Սկոբլիկովային եւ Լյուբով Եգորովային: Ձմեռային մարզաձեւերում ավելի տիտղոսակիր են միայն նորվեգացիներ Բյորն Դելին եւ Օլե Էյնար Բյորնդալենը:
Սոչիի Խաղերի մեդալային հաշվարկում Նորվեգիան 11 ոսկե մեդալով վստահորեն զբաղեցնում է առաջին տեղը: Ռուսաստանը, Կանադան եւ ԱՄՆ-ն ունեն իննական ոսկե մեդալ:
22-րդ ձմեռային օլիմպիական խաղեր
Դահուկավազք, կանայք, 30 կմ, ընդհանուր մեկնարկ
1. Մարիտ Բյորգեն (Նորվեգիա)՝ 1:11:05.2
2. Թերեզա Յոհաուգ (Նորվեգիա)՝ +2.6
3. Քրիստին Սթեյրա (Նորվեգիա)՝ +23.6
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։