Սերխիո Մարկարյանը կարող է գլխավորել Հայաստանի հավաքականը
18:47 21 փետրվարի, 2014Ֆուտբոլի Հայաստանի ազգային հավաքականի գլխավոր մարզիչի թափուր պաշտոնը կարող է զբաղեցնել 69-ամյա ուրուգվահայ մասնագետ Սերխիո Մարկարյանը: Այդ մասին հայտնի դարձավ NEWS.am Sport-ին: Մարկարյանը ժամանակին գլխավորել է Պարագվայի եւ Պերուի հավաքականները, նաեւ բազմաթիվ ակումբային թիմեր:
Հիշեցնենք, որ Հայաստանի ֆուտբոլի ֆեդերացիան 2009 թվականին արդեն մեկ անգամ հրավիրել է Սերխիո Մարկարյանին գլխավորել ազգային հավաքականը: Սակայն կողմերը համաձայնության չէին հասել:
Սպասվում է, որ հավաքականի գլխավոր մարզիչի նշանակումը տեղի կունենա փետրվարի 24-ին:
Մարտի 5-ին Կրասնոդարում Հայաստանի հավաքականն ընկերական հանդիպում կանցկացնի Ռուսաստանի թիմի հետ:
Վերա Մարտիրոսյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.