Սոչի-2014. Հոլանդացի չմշկավազորդների ռեկորդը

Չմշակավազքի Հոլանդիայի հավաքականի մարզիկները 19 մեդալի են արժանացել Սոչիի 22-րդ ձմեռային օլիմպիական խաղերում: Դա ռեկորդային ցուցանիշ է ձմեռային Օլիմպիական խաղերի մեկ մարզաձեւում նվաճած մեդալների ցուցանիշով:

Փետրվարի 18-ին հոլանդացի չմշակավազորդները զբաղեցրել էին տղամարդկանց 10 հազար մետրի բոլոր մրցանակային տեղերը, իսկ Յորիտ Բերգսման սահմանել էր օլիմպիական ռեկորդ:

Ձմեռային Օլիմպիական խաղերի մեկ մարզաձեւում նվաճած մեդալների նախորդ ռեկորդը պատկանում էր լեռնադահուկային սպորտի Ավստրիայի հավաքականին, որը 2006-ին 14 մեդալ էր նվաճել Թուրինի Օլիմպիական խաղերում:

2010թ. Վանկուվերի Խաղերում չմշակավազքի Հոլանդիայի հավաքականը նվաճել էր 7 մեդալ, իսկ Թուրինում՝ 9: