Վլադիմիր Ժիրինովսկու պատասխանը՝ Եվգենի Պլյուշչենկոյին
09:18 18 փետրվարի, 2014Ռուսաստանի լիբերալ դեմոկրատական կուսակցության առաջնորդ Վլադիմիր Ժիրինովսկին մեկնաբանել է գեղասահքի կրկնակի օլիմպիական չեմպիոն Եվգենի Պլյուշչենկոյի հայտարարությունը, թե հարկավոր է ըմբռնումով մոտենալ դրությանը։ Ավելի վաղ ռուսաստանցի պատգամավորն առաջարկել էր արգելել վնասվածք ունեցող մարզիկներին մասնակցել Օլիմպիական խաղերին։
«Դա գռեհկություն է։ Որպես հանդիսատես կարող եմ արտահայտվել։ Դեռ մինչեւ ֆեդերացիայի նիստը հաղորդագրություն էի ուղարկել նրան հավաքականում չընդգրկելու պահանջով։ Դադարել եմ նրան հարգել այն բանից հետո, երբ նա դարձավ «Արդար Ռուսաստան» կուսակցության անդամ։ Պլյուշչենկոն արժանի չէ հարգանքի։
Ինչ վերաբերում է ճապոնացուն, ապա չեմ բացառում, որ դա դավադրություն է։ Առաջարկել են չմասնակցել, երբ ոչ ոք չէր կարող փոխարինել։ Ճապոնացիների համար այս հաղթանակն ազգային հպարտության առիթ է»,- Ժիրինովսկու խոսքը մեջբերում է Championat.com-ը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.