Հարի Ռեդնապը երբեք չի գլխավորի Անգլիայի հավաքականը
13:11 3 մայիսի, 2012Լոնդոնի «Տոտենհեմի» գլխավոր մարզիչ Հարի Ռեդնապը վստահ է, որ իրեն այլեւս հնարավորություն չի ընձեռնվի գլխավորել Անգլիայի հավաքականը:
«Չեմ կարծում եմ, որ դա մի օր տեղի կունենա: Ռոյ Հոջսոնը չորս տարի ժամանակ ունի, եւ վստահ եմ, որ նա Անգլիայի հավաքականում կաշխատի մինչեւ պայմանագրի ավարտը եւ կհասնի լուրջ հաջողությունների: Ամեն դեպքում, ես երբեք չեմ դառնա Անգլիայի հավաքականի գլխավոր մարզիչը:
Ես պետք է բարդ որոշում կայացնեի: Երջանիկ եմ «Տոտենհեմում»: Արդեն հոգնել էի այն բանից, որ իմ անունը միշտ քննարկվում էր Անգլիայի հավաքականի մասին խոսելիս: Հիմա դա միայն պատմություն է»,- Ռեդնապի խոսքը փոխանցում է BBC-ն:
Հիշեցնենք, որ օրեր առաջ Անգլիայի հավաքականի գլխավոր մարզիչ նշանակվեց 64-ամյա մասնագետ Ռոյ Հոջսոնը, ով այս պահին գլխավորում է անգլիական «Վեստ Բրոմվիչը»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։