Եվգենի Պլյուշչենկո. Ինձ ստիպել են դուրս գալ սահադաշտ

13:31   17 փետրվարի, 2014

Գեղասահքի կրկնակի օլիմպիական չեմպիոն Եվգենի Պլյուշչենկոն հայտարարել է, որ չէր ցանկանում Սոչի-2014-ում մասնակցել անհատական մրցաշարին, սակայն տեղի է տվել Ռուսաստանի գեղասահքի ֆեդերացիայի պահանջին, փոխանցում է CNN-ը։

31-ամյա գեղասահորդը պատմել է, որ թիմային մրցումների ժամանակ իրեն վատ է զգացել, ինչի մասին հայտնել է Ռուսաստանի գեղասահքի ֆեդերացիային։ Պլյուշչենկոյի խոսքով՝ նրան ստիպել են դուրս գալ սահադաշտ։

«Չեմ կարող այժմ բացատրել, թե ինչ է եղել։ Եթե հարցնեք Ռուսաստանի գեղասահքի ֆեդերացիայի նախագահին, ապա նա ձեզ ամեն ինչ կպատմի։ Ինձ ստիպել են մասնակցել մրցումներին, քանի որ մեդալ նվաճելու ավելի մեծ հնարավորություններ ունեի։

Թիմային մրցումներից հետո ֆեդերացիայի ներկայացուցիչներին ասացի, որ ինձ այնքան էլ լավ չեմ զգում։ Սակայն նրանք ինձ պատասխանեցին, որ ինչ եղել արդեն եղել է»,- ասել է Պլյուշչենկոն։

Հիշեցնենք, որ ռուսաստանցի գեղասահորդը մեջքի վնասվածքի պատճառով չէր կարողացել մասնակցել անհատական մրցաշարին, ինչից հետո հայտարարել էր կարիերան ավարտելու մասին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։