Մյունխենի «Բավարիան» դուրս եկավ ֆուտբոլի Գերմանիայի գավաթի խաղարկության կիսաեզրափակիչ։
Խոսեպ Գվարդիոլայի թիմը հյուրընկալվելիս 5։0 հաշվով հաղթեց «Համբուրգին»։ Մեկական անգամ աչքի ընկան հոլանդացի կիսապաշտպան Արյեն Ռոբենը եւ բրազիլացի պաշտպան Դանթեն։ Հեթ-տրիկի հեղինակ դարձավ խորվաթ հարձակվող Մարիո Մանջուկիչը։
Լեւերկուզենի «Բայերը» սեփական խաղադաշտում անակնկալ պարտություն կրեց «Կայզերսլաուտերնից»։ Միակ գնդակը գրանցվեց լրացուցիչ ժամանակում։ Կիսաեզրափակիչում է նաեւ «Վոլֆսբուրգը», որն արտագնա խաղում 3։2 հաշվով հաղթեց «Հոֆենհայմին»։
Հիշեցնենք, որ կիսաեզրափակիչ է դուրս եկել նաեւ Դորտմունդի «Բորուսիան»։
Գերմանիայի Գավաթ, քառորդ եզրափակիչ
«Համբուրգ» - «Բավարիա»՝ 0:5
Մարիո Մանջուկիչ, 22, 74, 76, Դանթե, 26, Արյեն Ռոբեն, 54
«Հոֆենհայմ» - «Վոլֆսբուրգ»՝ 2:3
Ռոբերտո Ֆիրմինո, 39, 90 – Ռիկարդո Ռոդրիգես, 26, 44, Վաս Դոստ, 64
Հեռացում՝ Ռիկարդո Ռոդրիգես, 71 («Վոլֆսբուրգ»)
«Բայեր» - «Կայզերսլաուտերն»՝ 0:1
Ռուբեն Իտեգարդ Յենսեն, 114
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։