NEWS.am Sport-ը՝ Սոչիից. Թե ինչ պայմաններում են ապրում հայ օլիմպիականները (ֆոտո)
19:22 10 փետրվարի, 2014Չնայած միջազգային լրատվամիջոցների քննադատությունների, 22-րդ ձմեռային օլիմպիական խաղերը Սոչիում կազմակերպվածության առումով գրեթե ամենալավն են: Այս մասին NEWS.am Sport-ի թղթակցի հետ զրույցում նշեցին Հայաստանի պատվիրակության անդամները:
Հայաստանի պատվիրակությունն ապրում է օլիմպիական ավանում, որը գտնվում է լեռնային հատվածում: Հայերը բնակվում են Սլովակիայի, Սլովենիայի, Գերմանիայի հարեւանությամբ՝ մեկ առանձին տանը, ղեկավարությունից անջատ: Նույն տանը բնակվում են մարզիկներն ու մարզիչները: Մարզիկներին հատկացված բնակարանը բաղկացած է երեք սենյակից, որից մեկում տեղավորվել է Հայաստանի միակ կին օլիմպիական՝ դահուկորդ Կատյա Գալստյանը, մյուս երկու սենյակներում տեղավորվել են մարզիկներն ու մարզիչները:
Դահուկավազքի Հայաստանի ազգային հավաքականի գլխավոր մարզիչ Սլավիկ Սարգսյանն ասաց, որ բոլոր հարմարությունները մարզիկների համար ստեղծված են:
«Ամեն ինչ հրաշալի է, պայմանները ստեղծված են մարզիկներին լավ մարզավիճակում պահելու համար՝ մարզադահլիճ, լողավազան, հատուկ ճաշարան՝ հատուկ սննդակարգով, հարմարավետ ննջասենյակներ, հանգստի կետեր, զվարճանքի վայրեր, վարսավիրանոց: Ոչինչ չեն մոռացել կազմակերպիչները: Մեզ հետ միասին միայն չեն բնակվում Արման Սերեբրակյանն ու նրա մարզիչը: Նրանք առանձին այլ տանն են բնակություն հաստատել: Այստեղից շատ հեշտ է լեռներ բարձրանալը, տրանսպորտն էլ մեզ տրամադրել են»,- ասաց Սլավիկ Սարգսյանը:
Օլիմպիական ավանում ամենամեծը Ռուսաստանի պատվիրակության տունն է: Ավանի կենտրոնական հրապարակում գործում է նաեւ մեծ բացօթյա լողավազան տաք ջրով, որը մեր նկարահանման պահին փորձում էին շվեդ մարզիկները:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.