Սոչի-2014. Բարձրացվեց օլիմպիական դրոշը, հնչեցին օլիմպիական հիմն ու երդումները
22:48 7 փետրվարի, 2014Սոչի «Ֆիշտ» ստադիոնում ավարտին է մոտենում 22-րդ ձմեռային օլիմպիական խաղերի բացման հանդիսավոր արարողությունը:
Օլիմպիական դրոշը ստադիոն բերեցին դերասանուհի Չուլպան Խամատովան, չմշկավազքի օլիմպիական չեմպիոն Լիդիա Սկոբլիկովան, լրագրող Անաստասիա Պոպովան, առաջին կին տիեզերագնաց Վալենտինա Տերեշկովան, տափօղակով հոկեյի կրկնակի օլիմպիական չեմպիոն Վյաչեսլավ Ֆետիսովը, դիրիժոր Վալերի Գերգիեւը, կիբերմարզիկ Ալան Ենիլեեւը եւ կինոռեժիսոր Նիկիտա Միխալկովը:
Այնուհետեւ հնչեց օլիմպիական հիմնը, որը կատարեց աշխարհառչակ օպերային երգչուհի Աննա Նետրեբկոն:
Օլիմպիական երդման տեքստը մարզիկների անունից ընթերցեց շորթ-տրեկի Եվրոպայի չեմպիոն Ռուսլան Զախարովը՝ խոստանալով պայքարել արդար, առանց դոպինգի եւ ի փառս սպորտի: Մրցավարների անունից խոստացավ պարտականությունները արդար, անաչառ եւ կանոնների պահանջներին համապատասխան կատարել մրցավար Վյաչեսլավ Վեդենինը: Մարզիչների անունից օլիմպիական երդումը տվեց նախկինում հայտնի լեռնադակուկորդուհի, այժմ մարզիչ Անաստասի Պոպկովան՝ խոստանալով հավատարիմ լինել օլիմպիական շարժման սկզբունքներին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։