Սոչի-2014. Վ. Պուտինը 22-րդ ձմեռային օլիմպիական խաղերը հայտարարեց բացված
22:26 7 փետրվարի, 2014Ռուսաստանի նախագահ Վլադիմիր Պուտինը բացված հայտարարեց Սոչիի 22-րդ ձմեռային օլիմպիական խաղերը:
Նախքան այդ, ելույթով հանդես եկավ Միջազգային օլիմպիական կոմիտեի նախագահ, գերմանացի Տոմաս Բախը:
«Բարի երեկո, Սոչի, բարի երեկո, Ռուսաստան, բարի երեկո սիրելի մարզիկներ: Ռուսաստանի նախագահ, ՄԱԿ-ի նախագահ, ողջունում եմ ձեզ: Բարի գալուստ 22-րդ ձմեռային օլիմպիական խաղեր: Այս երեկո մենք գրում են օլիմպիական պատմության նոր էջը: Սա առաջին ձմեռային Խաղերն են Ռուսաստանում: Մենք այստեղ ենք մեծ հարգանքով: Հարուստ ավանդույթներով, մշակույթով, պատմությունով Ռուսաստանը կարողացավ մերձարեւադարձային քաղաքում կազմակերպել այս Խաղերը: Այն, ինչ այլ երկրներ կառուցում են տասնամյակներ, Ռուսաստանը զրոյից Սոչիում կառուցեց յոթ տարում»,- ասաց ՄՕԿ-ի նախագահ Տոմաս Բախը:
Նա շնորհակալություն հայտնեց շինարարներին, կամավորներին, Սոչիի եւ Կրասնոդարի մարզի բնակիչներին՝ համբերության եւ ջանքերի համար:
«Այժմ դուք ապրում եք օլիմպիական տարածաշրջանում: Ես վստահ եմ, որ դուք տասնամյակներ կվայելեք այս ամենը: Կամավորները հայտնի ռուսական հյուրընկալությամբ ընդունեցին բոլորին: Մեծագույն շնորհակալություն բոլոր կամավորներին: Շնորհակալություն մարզիկներին, որոնցից յուրաքանչյուրն այստեղ է եկել օլիմպիական երազանքով: ՄՕԿ-ը մաղթում է այդ երազանքների իրականացում: ՄՕԿ-ը բոլոր եկամուտները ներդրում է հենց այդ երազանքների կատարման համար պայմաններ ստեղծելու համար: Դա արժանապատվությամբ կհաղթեք եւ կընդունեք պարտությունը: Որտեղ էլ որ անցկացվի Խաղերը, օլիմպիական սպորտը խաղաղության համար է, այն միավորում մարդկանց: Սա է օլիմպիական ուղերձը: Մեծագույն հաղթանակի համար էլ կարելի է պայքարել մրցակցի նկատմամբ հարգանքով: Պետք է ապրել ներդաշնակությմաբ, հանդուրժողականությամբ: Նույնիսկ լինելով մրցակից՝ դա կարելի է անել:
Միացեք արդար մարզական պայքարի համար շարժմանը: Պահպանեք կանոնները, հարգեք մրցակիցներին, խուսափեք դոպինգից, եղեք արդար: Մաղթում եմ օլիմպիական ոգու ցնծություն: Բոլոր մարզիկներին, մարզասերներին մաղթում եմ վայելել 2014թ. Սոչիի Օլիմպիական խաղերը»,- ասաց ՄՕԿ նախագահը:
Ադլերի «Ֆիշտ» ստադիոնում ավարտին է մոտենում Խաղերի բացման հանդիսավոր արարողությունը: Մնում է ամենահուզիչ պահը՝ օլիմպիական ջահի բոցավառումը:
Մինչեւ փետրվարի 23-ը աշխարհի 88 երկրների մոտ 2800 մարզիկներ կպայքարեն 98 չեմպիոնական տիտղոսների համար:
Սոչիում Հայաստանը կներկայացնեն դահուկավազորդներ Սերգեյ Միքայելյանը, Արթուր Եղոյանը, Կատյա Գալստյանը եւ լեռնադահուկորդ Արման Սերեբրակյանը: Հայաստանի օլիմպիական պատվիրակության գլխավոր հանձնակատարը ՀԱՕԿ-ի գլխավոր քարտուղար Հրաչյա Ռոստոմյանն է:
Արարողությանը ներկա է նաեւ Հայաստանի նախագահ Սերժ Սարգսյանը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.