Ֆաբիո Կապելոն եղել է Թուրինի Խաղերի բացմանը, կլինի նաեւ Սոչիում
19:24 7 փետրվարի, 2014Դարձյալ ցանկանում եմ տեսնել Օլիմպիական խաղերի բացման արարողությունը, ասել է ֆուտբոլի Ռուսաստանի հավաքականի գլխավոր մարզիչ Ֆաբիո Կապելոն: Իտալացի մարզիչը 2006-ին Թուրինում ներկա է եղել ձմեռային Խաղերի բացմանը եւ տպավորված է մինչեւ հիմա: Նա այժմ Սոչիում է եւ ներկա է լինելու նաեւ 22-րդ ձմեռային խաղերի բացման արարողությանը, փոխանցում է gazeta.ru-ն:
«Վառ տպավորությունները երբեք շատ չեն լինում: Ութ տարի առաջ Թուրինում ես չափազանց տպավորված էի եւ դարձյալ ցանկանում են տեսնել օլիմպիական ջահի վառվելը: Նման միջոցառումները միլիարդավոր մարդկանց համար դրական ապրումների աղբյուր են: Ես կլինեմ այդ մարդկանցից մեկը»,- ասել է Ֆաբիո Կապելոն:
22-րդ ձմեռային օլիմպիական խաղերի բացման արարողությունը կմեկնարկի 20:14-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.