Սոչի-2014. Կիրիլ Նաբուտով. Լինելու է հեքիաթ, անիրական մի շոու
13:07 7 փետրվարի, 2014Մեզ իսկապես պատմական իրադարձություն է սպասվում, Սոչիում NEWS.am Sport-ի հատուկ թղթակցի հետ զրույցում ասաց հայտնի ռուսաստանցի հեռուստամեկնաբան եւ հաղորդավար Կիրիլ Նաբուտովը, որը ռուսական Առաջին ալիքի եթերում մեկնաբանել է 2010թ. Վանկուվերի ձմեռային եւ 2012թ. Լոնդոնի ամառային Օլիմպիական խաղերի բացման արարողությունը: Նրան է վստահվել նաեւ Սոչիի Խաղերի բացման արարողությունը: Կիրիլ Նաբուտվոը եղել է ռուսական «ՆՏՎ» հեռուստաընկերության գլխավոր պրոդյուսերը:
«Ես հետեւել եմ բացման արարողության փորձերին եւ կարող եմ ասել, որ ամեն ինչ շատ բարձր մակարդակով է կազմակերպված: Լինելու է հեքիաթ, աննկարագրելի եւ ինչու չէ, անիրական մի շոու, ինչը նույնիսկ պատկերացնել հնարավոր չէ:
Իսկ թերությունները, բացթողումները, որոնց մասին այս օրերին մամուլում եւ համացանցում քննարկումներ են գնում, անհնար է չլինեն: Ամեն տեղ էլ, ամեն Օլիմպիական խաղերի ժամանակ էլ լինում են թերություններ, չավարտված կառույցներ: Դա նորմալ է:
Ես արդեն 13-րդ Օլիմպիական խաղերն եմ լուսաբանում, այսօր էլ ռուսական Առաջին ալիքի ուղիղ եթերում պետք է լուսաբանեմ բացման արարողությունը: Եվ որպես բազմաթիվ Օլիմպիական խաղերի ականատես, կարող եմ ասել, որ Սոչիի Օլիմպիական խաղերը ոչնչով չեն զիջում նախկինում անցկացված Խաղերին, եթե չասեմ՝ նույնիսկ առավել են»,- ասաց Կիրիլ Նաբուտովը:
Փետրվարի 7-ին կայանալիք 22-րդ ձմեռային օլիմպիական խաղերի բացման արարողությունը կմեկնարկի 20:14-ին եւ կտեւի մոտ երեք ժամ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.