Սոչի-2014. Լեռնադահուկորդ Արման Սերեբրակյանը փորձել է մրցուղին (ֆոտո)
14:12 6 փետրվարի, 2014Սոչիում ընթացող 22-րդ ձմեռային Օլիմպիական խաղերում Հայաստանի ներկայացուցիչ Արման Սերեբրակյանն արդեն փորձել է ռուսաստանյան մրցուղին: Այդ մասին հայ մարզիկը գրել է իր կայքում՝ տեղադրելով լուսանկարներ:
Հիշեցնենք, որ լեռնադահուկորդ Արման Սերեբրակյանը փետրվարի 19-ին հանդես կգա հսկա ոլորավայրէջքում, իսկ փետրվարի 22-ին` հատուկ ոլորվայրէջքում: Մրցաձեւերը կանցկացվեն երկու մրցահերթով (կեսօրին եւ երեկոյան):
Սերեբրակյանից բացի, Սոչիում Հայաստանը կներկայացնեն նաեւ դահուկավազորդներ Սերգեյ Միքայելյանը, Արթուր Եղոյանը եւ Կատյա Գալստյանը: Ավելի վաղ օլիմպիական ավանում բարձրացվել էր Հայաստանի դրոշը: Խաղերի բացման հանդիսավոր արարողությունը տեղի կունենա փետրվարի 7-ին եւ կսկսվի Երեւանի ժամանակով 20:14-ին:
NEWS.am Sport-ը 22-րդ ձմեռային Օլիմպիական խաղերը ՄՕԿ-ի հավատարմագրումով կլուսաբանի Սոչիից:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.