Կատալոնական «Բարսելոնան» «Կամպ Նոու» ստադիոնում 2։0 հաշվով հաղթեց «Ռեալ Սոսյեդադին» ֆուտբոլի Իսպանիայի գավաթի խաղարկության կիսաեզրափակիչի առաջին խաղում։
Կատալոնական ակումբը 44-րդ րոպեին բացեց խաղի հաշիվը։ Գոլի հեղինակ դարձավ իսպանացի կիսապաշտպան Սերխիո Բուսկետսը։ Խաղադաշտից հեռացվեց հյուրերի պաշտպան Ինիգո Մարտինեսը: 60-րդ րոպեին Սան Սեբաստյանի թիմի պաշտպան Գոնսալեսը փորձում էր գնդակը հեռացնել տուգանայինից, սակայն հարվածից հետո այն դիպչեց դարպասապահ Էնյաթ Զուբիկարային եւ հայտնվեց դարպասում։
Կիսաեզրափակիչի պատասխան հանդիպումը կկայանա փետրվարի 13-ին։
Հիշեցնենք, որ կիսաեզրափակիչի մյուս խաղում Մադրիդի «Ռեալը» 3։0 հաշվով հաղթել է Մադրիդի «Աթլետիկոյին»։
Իսպանիայի գավաթ, կիսաեզրափակիչ
Առաջին հանդիպում
«Բարսելոնա» - «Ռեալ Սոսյեդադ»՝ 2։0
Սերխիո Բուսկետս, 44, Էնյաթ Զուբիկարայ, 60 (ինքնագոլ)
Հեռացում՝ Ինիգո Մարտինես, 44 («Ռեալ Սոսյեդադ»)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։