«Սպարտակը» չի ժամանի Երեւան
15:51 5 փետրվարի, 2014Մոսկվայի «Սպարտակը» Ռուսաստանի առաջնության երկրորդ հատվածի նախապատրաստական փուլի ընթացքում հավաք չի անցկացնի Երեւանում:
Ավելի վաղ ռուսական մամուլում լուրեր էին շրջանառվում, որ Վալերի Կարպինի թիմի ձմեռային հավաքներից մեկը նախատեսված է անցկացնել Հայաստանում: NEWS.am Sport-ի թղթակցին հայտնի դարձավ, որ «Սպարտակը», ամենայն հավանակնաությամբ, չի ժամանի Երեւան, քանի որ մարտի 5-ին Կրասնոդարում տեղի կունենա Ռուսաստան – Հայաստան ընկերական հանդիպումը, որին կմասնակցեն մոսկովյան ակումբի մի շարք ֆուտբոլիստներ։
Հնարավոր է, որ «Սպարտակը» վերջին նախապատրաստական խաղերը կանցկացնի Կրասնոդարում, ինչից հետո կմեկնի Գրոզնի, որտեղ մարտի 9-ին Պրեմյեր լիգայի 20-րդ տուրում կմրցի «Թերեկի» հետ:
Հիշեցնենք, որ «Սպարտակը» փետրվարի 5-ի առավոտյան մեկնել էր Պորտուգալիա, որտեղ կանցկացնի այս տարվա երկրորդ հավաքը՝ մասնակցելով The Atlantic Cup ընկերական մրցաշարին: Ռուսաստանի 9-ակի չեմպիոնի ձմեռային երրորդ հավաքը կկայանա փետրվարի 19-ից մարտի 1-ն իսպանական Մարբելյայում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.