Բելգիայի հավաքականի կենտորնական պաշտպան Դանիել վան Բույտենը մեկ տարով երկարաձգել է պայմանագիրը Մյունխենի «Բավարիայի» հետ, հաղորդում է ESPN-ը։
Նոր համաձայնագրի պայմանները դեռեւս չեն հրապարակվել։ 34-ամյա ֆուտբոլիստի նախորդ պայմանագրի ժամկետը լրանում էր ընթացիկ մրցաշրջանի վերջում։
Բելգիացի պաշտպանը 2006-ին գերմանական «Համբուրգից» է տեղափոխվել «Բավարիա»։ Մյունխենյան ակումբի կազմում անցկացրել է 133 հանդիպում, դարձել է 19 գոլի հեղինակ։
Վան Բույտենը վնասվածքի պատճառով երեք ամսից ավելի խաղադաշտ դուրս չէր գալիս, սակայն կարող է մասնակցել մայիսի 19-ին կայանալիք Չեմպիոնների լիգայի եզրափակիչին։
Հիշեցնենք, որ «Բավարիայի» կետնտրոնական պաշտպան Հոլգեր Բադշտուբերը որակազրկված է եւ չի կարող մասնակցել «Չելսիի» հետ խաղին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։