Շախմատի Հայաստանի հավաքականի առաջին համար Լեւոն Արոնյանը պարտությամբ ավարտեց Հոլանդիայի Վեյկ Ան Զեե քաղաքում անցկացվող Tata Steel Chess մրցաշարը: Վերջին՝ 11-րդ տուրում չեմպիոնի տիտղոսն ապահոված հայ գրոսմայստերը սեւերով պարտվեց հոլանդացի Լյուկ վան Վելիին: ՖԻԴԵ-ի դասակարգման երկրորդ համարն իր պարտությունն ընդունեց 38-րդ քայլում:
Հիշեցնենք, որ վերջին տուրից առաջ Լեւոն Արոնյանը հավաքել էր 8 միավոր՝ չորրորդ անգամ ապահովելով Վեյկ Ան Զեեի մրցաշարի հաղթողի տիտղոսը: Նա կրկնեց 2007-ի, 2008-ի եւ 2012-ի արդյունքը: Նախորդ տարի հայ գրոսմայստերը Վեյկ Ան Զեեում գրավել էր երկրորդ տեղը՝ զիջելով ՖԻԴԵ-ի առաջատար Մագնուս Կարլսենին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։