Հայ հրաձիգը մեդալ է նվաճել Գերմանիայում (ֆոտո)

17:35   25 հունվարի, 2014

Գերմանիայի Մյունխեն քաղաքում հունվարի 22-25-ը տեղի է ունենում Internationaler Wettkampf München հրաձգության միջազգային մրցաշարը, որին մասնակցում են 30 երկրների մարզիկներ: 

429 մազիկ-մարզուհիների թվում են հրաձգության Հայաստանի հավաքականի անդամներ Զավեն Իգիթյանը, Քրիստիան Լուերը (Աղաջանյան) եւ Հրաչիկ Բաբայանը, ով արժանացել է բրոնզե մեդալի:

Մյունխենյան մրցաշարը երկու մեկնարկով է: Հունվարի 23-ին երիտասարդների պայքարում Զավեն Իգիթյանը օդամղիչ ատրճանակ մրցաձեւում հավաքել է 558 միավոր եւ 67 մրցակիցների մեջ գրավել է 41-րդ տեղը: Հրաչիկ Բաբայանը օդամղիչ հրացան մրցաձեւում 73 մրցակիցների մեջ 619.9 միավորով զբաղեցրել է 14-րդ տեղը: Նույն վարժության մեծահասակների պայքարում հանդես եկող Քրիստիան Լուերը (Աղաջանյան) հավաքել է 619.4 միավոր՝78 մրցակիցների մեջ գրավելով 55-րդ տեղը:

Հունվարի 24-ին Հրաչիկ Բաբայանը հավաքել է 625,1 միավոր եւ երրորդ տեղով անցել է եզրափակիչ փուլ, որտեղ 182,7 միավորով նվաճել է բրոնզե մեդալ: Հրաչիկ Բաբայանի անձնական մարզիչն Անդրանիկ Այվազյանն է: Զավեն Իգիթյանը հավաքել է 564 միավոր եւ գրավել 25-րդ տեղը:

Հավաքական թիմի գլխավոր մազիչ Սեյրան Նիկողոսյանը գոհ է արդյունքերից եւ գնահատել է գերազանցել:

Հայաստանի հավաքականը հայրենիք կվերադառնա հունվարի 26-ին՝ ժամը 01:15-ին:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։