Ռուսաստանի հավաքականն ուժեղ մրցակից է, որի հետ հետաքրքիր կլինի ընկերական հանդիպում անցկացնել, ասել է Մոսկվայի «Սպարտակի» եւ Հայաստանի հավաքականի կիսապաշտպան Արաս Օզբիլիսը՝ խոսելով Ռուսաստանի հավաքականի հետ առաջիկա ընկերական հանդիպման մասին։
«Հիանալի է, որ այդպիսի հանդիպում կկայանա։ Հետաքրքիր խաղ եմ ակնկալում»,- 23-ամյա կիսապաշտպանի խոսքը մեջբերում է Itar Tass-ը։
Այն հարցին, թե ով է գլխավորելու Հայաստանի հավաքականն այդ խաղի ժամանակ, Օզբիլիսը պատասխանել է, որ դեռ չգիտի։
Հիշեցնենք, որ Ռուսաստան - Հայաստան հանդիպումը կկայանա մարտի 5-ին Կրասնոդարում։ Կիսապաշտպանը «Սպարտակի» հետ մասնակցում է ԱՄԷ-ում անցկացվող ուսումնամարզական հավաքին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։