Բրիտանական The Guardian-ը՝ Լեւոն Արոնյանի մասին
12:27 25 հունվարի, 2014ՖԻԴԵ-ի երկրորդ համար Լեւոն Արոնյանը շատ մոտ է այս շաբաթ «Տատա Սթիլ» մրցաշարում հաղթելուն։ Հայ գրոսմայստերը եզրափակիչ երկու տուրից առաջ 1.5 միավորով գերազանցում է մրցակիցներին, գրում է բրիտանական The Guardian՝ անդրադառնալով շախմատի համաշխարհային Օլիմպիադայի եռակի չեմպիոն Հայաստանի հավաքականի առաջատար Լեւոն Արոնյանին։
«Արոնյանը պարտության մատնեց ԱՄՆ-ի առաջին համար Հիկարու Նակամուրային եւ բարելավեց իր վարկանիշային միավորները, չնայած՝ նորվեգացի Մագնուս Կարլսենին զիջում է 50 միավոր։
31-ամյա Արոնյանը ֆավորիտ է հավակնորդների մրցաշարում, որի հաղթողը նոյեմբերին կխաղա աշխարհի չեմպիոնի կոչման համար։ Գլխավոր խնդիրն այն է, որ նա ոչ կայուն խաղ է ցուդարում։ Արոնյանը նման է էստոնացի Պաուլ Կերեսին, ով մասնագետների կողմից համարվում է աշխարհի չեմպիոն չդարձած լավագույն շախմատիստներից մեկը։
Արոնյանն ազգային հերոս է Հայաստանում։ Նա նման է կոսմոպոլիտի. շատ լավ խոսում է անգլերեն, ապրում է Գերմանիայում եւ հանդիպում ավստրալուհու հետ։ Եթե նա հաղթի թեկնածուների մրցաշարում, ապա կկարողանա մեծ ճակատամարտ տալ Կարլսենին»,- գրում է կայքը։
Հիշեցնենք, որ Արոնյանը Հոլանդիայի Վեյկ Ան Զեե քաղաքում շարունակվող մրցաշարի 10-րդ տուրում կմրցի կուբացի Լենյեր Դոմինգեսի հետ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.