Մեսին 400-րդ հանդիպումը կանցկացնի «Բարսելոնայի» կազմում (ֆոտո)
18:59 22 հունվարի, 2014«Բարսելոնայի» եւ Արգենտինայի հավաքականի հարձակվող Լիոնել Մեսիի համար Իսպանիայի գավաթի խաղարկության քառորդ եզրափակիչի՝ «Լեւանտեի» հետ հանդիպումը կլինի 400-րդը կատալոնական ակումբի կազմում, փոխանցում է Football Espana-ն։
Պրիմերայի 20-րդ տուրում Իսպանիայի չեմպիոնը 1։1 հաշվով էր ավարտել «Լեւանտեի» հետ հանդիպումը եւ վալենսիացիների հետ կրկին կմրցի հունվարի 23-ին՝ Երեւանի ժամանակով 01։00-ին։
26-ամյա հարձակվողը 259 հանդիպում է անցկացրել Իսպանիայի առաջնությունում, 82 խաղ՝ Չեմպիոնների լիգայում, 40 խաղ՝ Իսպանիայի գավաթի խաղարկությունում, մասնակցել Իսպանիայի Սուպերգավաթի 11 հանդիպմանը։ «Ոսկե գնդակի» քառակի դափնեկիրը 4 խաղ է անցկացրել աշխարհի ակումբային առաջնությունում եւ երեք անգամ մասնակցել Եվրոպայի Սուպերգավաթի համար հանդիպմանը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։