Սոչի-2014. Դահուկային սպորտի միջազգային ֆեդերացիան չորս ուղեգիր է հատկացրել Հայաստանին
18:14 20 հունվարի, 2014Սոչիի Օլիմպիական խաղերում Հայաստանը դահուկային սպորտում կունենա չորս օլիմպիական: Այսպիսով, կունենանք երեք դահուկորդ եւ մեկ լեռնադահուկորդ: Այս մասին NEWS.am Sport-ի թղթակցի հետ զրույցում ասաց Հայաստանի դահուկային սպորտի ֆեդերացիայի գլխավոր քարտուղար Գագիկ Սարգսյանը:
«Դահուկային սպորտի միջազգային ֆեդերացիան այսօր քննարկել է Սոչիում կայանալիք 22-րդ ձմեռային Օլիմպիական խաղերում Հայաստանի ներկայացուցիչներին ուղեգիր տրամադրելու հարցը: Հայաստանին միջազգային ֆեդերացիան տրամադրել է չորս ուղեգիր` երեք դահուկորդների եւ մեկ լեռնադահուկորդի տեղ: Դահուկորդներից երկուսն արդեն հայտնի են` Սերգեյ Միքայելյան եւ Արթուր Եղոյան: Դահուկավազքում երրորդ ուղեգիրը կտրամադրվի աղջիկ դահուկորդի, իսկ չորրորդ ուղեգիրը բաժին կհասնի լեռնադահուկորդի: Վաղը` հունվարի 21-ին կկայանա Հայաստանի դահուկային սպորտի ֆեդերացիայի նախագահության նիստը, որի ժամանակ կորոշվի մյուս երկու օլիմպիականների անունները: Աղջիկ դահուկորդներից հավակնորդներն են Սյուզաննա Վարսոյանը եւ Աննա Մխիթարյանը, իսկ լեռնադահուկորդներից Արման Սերեբրակյանը եւ Արսեն Ներսիսյանը: Այսպիսով մեզ հասավ չորս ուղեգիր: Մենք այս ամենի համար աշխատում էինք»,- նշեց Գագիկ Սարգսյանը:
Մինչեւ հունվարի 27-ը Հայաստանը պետք է միջազգային ֆեդերացիային ներկայացնի չորս օլիմպիականների անունները:
22-րդ ձմեռային Օլիմպիական խաղերի բացման հանդիսավոր արարողությունը տեղի կունենա փետրվարի 7-ին:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.