Ֆուտբոլի եւ Ֆորմուլա-1-ի պատմության առաջին փոխադարձ հովանավորչական պայմանագիրը
14:09 30 ապրիլի, 2012«Չելսի» ֆուտբոլային ակումբը եւ Ֆորմուլա-1-ի «Sauber» թիմը կնքել են ֆուտբոլի եւ Ֆորմուլա-1-ի պատմության մեջ առաջին փոխադարձ հովանավորչական պայմանագիրը:
Թիմերը սպորտային փորձի փոխանակում կկատարեն, նաեւ կզբաղվեն հուշանվերների վաճառքով:
«Չելսիի» լոգոն կհայտնվի «Sauber»-ի բոլիդների վրա: Կապույտ առյուծով լոգոն առաջին անգամ կներկայացվի Իսպանիայի Մեծ մրցանակի ժամանակ, մայիսի 11-ից 13-ը:
«Sauber»-ի հետ համագործակցությունը անգլիական ակումբին թույլ կտա գովազդվել Ֆորմուլա-1-ի հեռուստալսարանում, որը զգալիորեն գերազանցում է անգլիական Պրեմյեր լիգայի հեռուստալսարանը:
«Չելսիին» հատկապես հետաքրքիր է Ասիայի եւ Լատինական Ամերիկայի շուկաները, որտեղ Ֆորմուլա-1-ը մեծ ժողովրդականություն է ստանում: «Sauber»-ի լոգոն կտեղադրվի Լոնդոնի «Ստեմֆորդ Բրիջ» ստադիոնում, հաղորդում է «Sauber»-ի պաշտոնական կայքը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.