Անգլիայի ֆուտբոլային ասոցիացիայի կարգապահական կոմիտեն տուգանել է «Մանչեսթեր Յունայթեդի» շոտլանդացի գլխավոր մարզիչ Դեւիդ Մոյեսին «Սանդերլենդի» դեմ Անգլիական լիգայի գավաթի խաղարկության հանդիպումից հետո մրցավարներին քննադատելու համար: Դեւիդ Մոյեսը ստիպված կլինի վճարել 8 հազար ֆունտ ստերլինգ տուգանք, հայտնում է կազմակերպության կայքը:
Մոյեսը կարգապահական կոմիտեի նիստին ներկա չի եղել, իսկ ավելի ավելի վաղ հայտարարել էր, որ չի վիճարկի որոշումը:
Կիսաեզրափակիչի առաջին խաղում «Մանչեսթեր Յունայթեդը» «Սանդերլենդին» պարտվեց 1:2 հաշվով: Մոյեսը սուր քննադատության ենթարկեց հանդիպման գլխավոր մրցավար Անդրե Մարիներին: Պատասխան հանդիպումը տեղի կունենա հունվարի 22-ին Մանչեսթերում:
Ընթացիկ մրցաշրջանում մրցավարներին քննադատելու համար Անգլիայի ֆուտբոլային ասոցիացիան տուգանել է նաեւ «Լիվերպուլի» գլխավոր մարզիչ Բրենդան Ռոջերսին, «Չելսիի» գլխավոր մարզիչ Ժոզե Մոուրինյոյին եւ «Սթոք Սիթիի» գլխավոր մարզիչ Մարկ Հյուզին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։