Ստոկհոլմը հրաժարվել է պայքարել Օլիմպիական խաղերի համար

Ստոկհոլմը չի պայքարի 2022թ. ձմեռային Օլիմպիական խաղերն անցկացնելու իրավունքի համար, հայտարարել է Շվեդիայի մայրաքաղաքի քաղաքապետ Ստեն Նորդինը, հաղորդում է sydsvenskan.se-ն:

«Ես չեմ կարող քաղաքային խորհրդին հանձնարարել Օլիմպիական խաղերը դարձնել գլխավոր առաջնահերթություն: Միշտ հաճելի է «այո» ասել, սակայն տնտեսական բազայի բացակայությունը թույլ չի տալիս դա անել»,- ասել է Նորդինը:

2013թ. նոյեմբերին Միջազգային օլիմպիական կոմիտեն հայտարարեց, որ 2022թ. ձմեռային Օլիմպիական խաղերն անցկացնելու ցանկություն ունեն Ստոկհոլմը, Նորվեգիայի մայրաքաղաք Օսլոն, Պեկինը, լեհական Կրակովը, Լվովը եւ ղազախական Ալմաթին:

2022թ. օլիմպիական մայրաքաղաքը կընտրվի 2015թ. հուլիսին: