Իտալական «Միլանի» գլխավոր մարզիչ Մասիմիլիանո Ալեգրին հեռացվել է զբաղեցրած պաշտոնից, փոխանցում է ակումբի կայքը։
Իտալական ակումբի գլխավոր մարզիչի պարտականությունները ժամանակավորապես կկատարի Ալեգրիի օգնական Մաուրո Տասոտին: Հունվարի 12-ին Իտալիայի առաջնության 19-րդ տուրում «Միլանը» 3։4 հաշվով պարտվել է «Սասուոլոյին»՝ հանդիպման սկզբնամասում հաղթելով 2։0 հաշվով։
Դա Սիլվիո Բերլուսկոնիի թիմի 7-րդ պարտությունն էր Իտալիայի ընթացիկ առաջնությունում։ 19-րդ տուրից հետո իտալական ակումբը 22 միավորով զբաղեցնում է 11-րդ տեղը:
46-ամյա Ալեգրին «Միլանը» գլխավորում էր 2010-ի հունիսից: Իտալական ակումբի հետ նրա պայմանագիրը կավարտվեր 2014-ի հունիսին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։