ԱՄՆ-ի Հետաքննությունների դաշնային բյուրոն (ՀԴԲ) Սոչիի ձմեռային Օլիմպիական խաղերի ժամանակ անվտանագության ապահովման համար Ռուսաստան կգործուղի 40 գործակալների: Նրանք կօգնեն ռուսական հատուկ ծառայություններին: Այդ մասին հայտարարել է ՀԴԲ-ի տնօրեն Ջեյմս Քոմին:
«Սոչիում բարդ կլինի ապահովել անվտանգությունը, քանի որ քաղաքը մոտ է գտնվում ահաբեկչական սպառնալիքի աղբյուրներին եւ անհանգիստ տարածքներին»,- Քոմիի խոսքը մեջբերում է washingtonpost-ը:
Սոչիի ձմեռային Օլիմպիական խաղերի բացման արարողությունը տեղի կունենա փետրվարի 7-ին:
Հիշեցնենք, որ ԱՄՆ-ի մարզական իշխանություններն աննախադեպ միջոցառումների են դիմել Սոչիի ձմեռային Օլիմպիական խաղերի ժամանակ ահաբեկչության սպառնալիքի դեպքում ամերիկացի մարզիկներին անհապաղ տարհանելու համար. նախատեսված է հինգ ինքնաթիռ, յուրաքանչյուրով 200 մարզիկ տարհանելու համար:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։