Սոչի-2014. Հնդկաստանին արգելվել է հանդես գալ սեփական դրոշով

Սոչիի ձմեռային Օլիմպիական խաղերում Հնդկաստանի մարզիկները չեն կարողանա հանդես գալ ազգային դրոշով եւ կներկայանան Միջազգային օլիմպիական կոմիտեի դրոշով, հաղորդում է AP-ն:

2012թ. դեկտեմբերին ՄՕԿ-ը որակազրկել է Հնդկաստանի ԱՕԿ-ը, քանի որ պետական մարմինները միջամտել էին կազմակեպության ղեկավարի ընտրություններին: ՄՕԿ-ը չի ճանաչում ընտրության արդյունքը եւ պահանջել էր մինչեւ Սոչիի Խաղերն անցկացնել նոր ընտրություն: Սակայն նոր ընտրությունը նշանակված է փետրվարի 9-ին, իսկ Օլիմպիական խաղերի բացումը փետրվարի 7-ին է:

ՄՕԿ-ը որոշել է օլիմպիական ուղեգիր նվաճած հնդիկ մարզիկներին ճանաչել անկախ մասնակից, օլիմպիական դրոշով:

Հնդկաստանն ունի չորս ուղեգիր սահնակային եւ դահուկային սպորտում: