«Բավարիան» կվճարի «Արսենալի» հետ հանդիպման տոմսերի արժեքի 2/3-րդը
15:59 9 հունվարի, 2014Մյունխենի «Բավարիան» որոշել է երկրպագուների համար վճարել ֆուտբոլի Չեմպիոնների լիգայի 1/8 եզրափակիչի՝ «Արսենալի» հետ հանդիպման տոմսերի արժեքի 2/3-րդը, փոխանցում է Kicker-ը։
Առաջին հանդիպումը կկայանա փետրվարի 19-ին Լոնդոնում։ Գերմանական ակումբի երկրպագուները «Էմիրեյթս» ստադիոնում կայանալիք խաղի տոմսերի համար 95 ֆունտ ստերլինգի փոխարեն կվճարեն 37 ֆունտ ստերլինգ։
«Բավարիայում» այս քայլը բացատրել են որպես շնորհակալություն երկրպագուներին նրանց մշտական աջակցության համար: Բացի այդ, գերմանական ակումբը գտնում է, որ ոչ բոլոր երկրպագուները կկարողանան ներկա լինել այդ խաղին, քանի որ Լոնդոնում կայանալիք հանդիպման տոմսերի արժեքն ավելի բարձր է, քան եվրոպական այլ երկրներում սահմանված գները:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։