Եվգենի Պլյուշչենկո. Ահաբեկիչները փորձում են ձախողել Սոչիի Օլիմպիական խաղերը
19:43 30 դեկտեմբերի, 2013Վոլգոգրադի պայթյուններով ահաբեկիչները փորձում են ձախողել Սոչիի Օլիմպիական խաղերի անցկացումը, ասել է գեղասահքի օլիմպիական չեմպիոն Եվգենի Պլյուշչենկոն, որը մանկությունն անցկացրել է Վոլգոգրադում:
«Ինձ համար ահաբեկչությունների մասին լուրը շոկ է: Խոսքեր չեմ գտնում: Բոլորը պետք է դիմանան այս փորձությանը: Մենք բոլորս Վոլգոգրադի հետ ենք: Սա ահավոր է: Ցավակցում եմ բոլոր զոհերի հարազատներին: Պետք է միասնական լինենք, օգնենք իրար: Ահաբեկիչներին պետք է պատժել եւ ձեռնարկել բոլոր միջոցները: Ես Վոլգոգրադում ունեն ազգակիցներ՝ տատիկներ, քեռիներ, մորաքույրներ, եղբայրներ, քույրեր: Կարծում եմ՝ ահաբեկիչները փորձում են ձախողել Սոչիի ձմեռային Օլիմպիական խաղերի անցկացումը: Բայց կարծում եմ, Օլիմպիական խաղերը տեղի կունենան ամեն դեպքում: Նոր եմ վերադարձել Սոչիում կայացած Ռուսաստանի առաջնությունից: Այնտեղ ոստիկանությունը, հատուկ ծառայությունները չափազանց պրոֆեսիոնալ են գործում: Օլիմպիադան հնարավոր չէ ձախողել: Այն կանցնի ամենաբարձր մակարդակով»,- Պլյուշչենկոյի խոսքը մեջբերում է LifeNews-ը:
Հիշեցնենք, որ մեկ օրվա ընթացքում Վոլգոգրադում երկու ահաբեկչություն է տեղի ունեցել: Պայթեցվել են երկաթուղային կայարանի գլխավոր շենքը եւ մեկ տրոյլեբուս: Զոհվել է 31, վիրավորվել ավելի քան 100 մարդ:
Եվգենի Պլյուշչենկոն Սոչիում մասնակցելու է գեղասահքի օլիմպիական թիմային մրցաշարին: Սոչիի Օլիմպիական խաղերի բացման արարողությունը տեղի կունենա փետրվարի 7-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.