Յուրա Մովսիսյանը՝ Ռուսաստանի ընթացիկ առաջնության խորհրդանշական հավաքականում
19:03 28 դեկտեմբերի, 2013Հայաստանի հավաքականի եւ Մոսկվայի «Սպարտակի» հարձակվող Յուրա Մովսիսյանը «Чемпионат.com»-ի վարկածով ընգրկվել է ֆուտբոլի Ռուսաստանի ընթացիկ առաջնության 19 տուրերի խորհրդանշական հավաքականում:
26-ամյա հարձակվողի մասին ռուսական կայքը գրում է հետեւյալը. «Մրցաշրջանի մեկնարկային խաղերում Մովսիսյանն այնքան էլ տպավորիչ չէր եւ զիջում էր Էմենիկեին, սակայն նիգերիացու տրանսֆերից հետո հայ հարձակվողը անփոխարինելի դարձավ «Սպարտակի» հարձակման գծում: Այժմ Յուրան գլխավորում է ռմբարկուների ցուցակը, թեեւ վնասվածքի պատճառով բաց է թողել մի քանի խաղեր»:
Հիշեցնենք, որ Ռուսաստանի ընթացիկ առաջնությունում Մովսիսյանը խփել է 12 գոլ եւ «Ռոստովում» վարձավճարով հանդես եկող Արտյոմ Ձյուբայի հետ գլխավորում է ռմբարկուների ցուցակը:
«Чемпионат.com»-ի խորհրդանշական հավաքական
Դարպասապահ. Յուրի Լոդիգին («Զենիթ»)
Պաշտպաններ. Դուգլաս («Դինամո»), Վեդրան Չորլուկա («Լոկոմտիվ»), Պավել Զանեւ («Ամկար»):
Կիսապաշտպաններ. Դենիս Գլուշակով («Սպարտակ»), Ալեքսանդր Սոմեդով («Լոկոմտիվ»), Ռոման Շիրոկով («Զենիթ»), Դանի («Զենիթ»):
Հարձակվողներ. Դամե Ն՛Դոյե («Լոկոմտիվ»), Յուրա Մովսիսյան («Սպարտակ»), Հալկ («Զենիթ»):
Մարզիչ. Ստանիսլավ Չերչեսով («Ամկար»):
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.