«Միլանը» կվաճառի Բալոտելիին

Իտալական «Միլանի» նախագահ Սիլվիո Բերլուսկոնին որոշել է վաճառել Իտալիայի հավաքականի հարձակվող Մարիո Բալոտելիին, հաղորդում է ilsecoloxix.it-ը։ Սիլվիո Բերլուսկոնիի որոշմանը կողմ է նաեւ Բարբարա Բերլուսկոնին։ Իտալիայի նախկին վարչապետի դուստրն այժմ մեծ փոփոխություններ է կատարում ակումբում, երկար տարիների փոխնախագահ Ադրիանո Գալիանիին հեռացնելուց հետո։

«Արդեն բավական է։ Որոշումն ընդունված է։ Մարիոն կդրվի տրանսֆերի։ Մինչեւ հունվարի վերջ մենք պետք է վաճառենք նրան»,- ասել է Սիլվիո Բերլուսկոնին։

23-ամյա Բալոտելիի տրանսֆերը գնահատվում է 30 միլիոն եվրո։