«The Guardian». Արոնյանն իրական մրցակից է Կարլսենին
18:48 28 ապրիլի, 2012Անգլիական «The Guardian» պարբերականն անդրադարձել է Լեւոն Արոնյանի մարզավիճակին, ինչպես նաեւ Ցյուրիխում ընթացող Արոնյան - Կրամնիկ մրցապայքարին:
Ապրիլի 28-ին ՖԻԴԵ-ի վարկանիշային աղյուսակի 2-րդ եւ 3-րդ տեղերը զբաղեցնող շախմատիստներ Լեւոն Արոնյանն ու Վլադիմիր Կրամնիկն անցկացրեցին մրցաշարի եզրափակիչ հանդիպումը Ցյուրիխում, որն ավարտվեց ոչ ոքի:
Երբ առաջին տուրում Արոնյանը սեւերով հաղթեց, նրա մարտահրավերը 18 տարեկանում աշխարհի առաջին շախմատիստ դարձած Մագնուս Կարլսենին, ավելի սարսափազդու դարձավ: Կարլսենը Նորվեգիայում դարձել է բրենդ: Նրա «Magnuschess» ընկերությունը տարեկան 1.5 միլոն եկամուտ ունի: Արոնյանն էլ Հայաստանում ազգային հերոս է, ում թիմը 2010-ին Համաշխարհային Օլիմպիադայի ոսկին նվաճելուց հետո հայրենիք վերադարձավ նախագահի ինքնաթիռով: Շախմատը Հայաստանում դպրոցական պարտադիր ծրագրի մեջ ներառվեց:
29 տարեկանում Արոնյանը գտնվում է իր լավագույն մարզավիճակում: Նա հաղթել է վերջին երկու մրցաշարերում Կարլսենի հետ խաղից առաջ: Սակայն Կրամնիկը` աշխարհի նախկին չեմպիոնը, ով հաղթել է Գարի Կասպարովին եւ «London Chess Classic 2011» մրցաշարում, Արոնյանի համար բարդ մրցակից է: Արոնյանն այժմ իր կարիերայի գագաթնակետին է, եւ եթե նա հաղթի այս մրցաշարում, կկրճատի Կարլսենի հետ վարկանիշային տարբերությունն առնվազն տասով:
Շախմատային հասարակությունն անընդհատ քննարկում է Արոնյան – Կարլսեն կայանալիք խաղը: Այս զույգը կհանդիպի հունիսին Մոսկվայում, ինչպես նաեւ 2013-ի մարտին Լոնդոնում, որտեղ կորոշվի աշխարհի չեմպիոնի հաջորդ հավակնորդը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.