Շախմատի համաշխարհային Օլիմպիադայի եռակի չեմպիոն Հայաստանի հավաքականի առաջատար Լեւոն Արոնյանը կմասնակցի Ցյուրիխի մրցաշարին, փոխանցում է chessbase.com-ը։
Հունվարի 29-ից փետրվարի 4-ը կայանալիք մրցաշարում Հայաստանի ուժեղագույն շախմատիստի մրցակիցները կլինեն ՖԻԴԵ-ի առաջին համար Մագնուս Կարլսենը, աշխարհի նախկին չեմպիոն Վիշվանաթան Անանդը, իսրայելցի Բորիս Գելֆանդը, իտալացի Ֆաբիանո Կարուանան եւ ամերիկացի Հիկարու Նակամուրան։
Մրցաշարը կլինի ՖԻԴԵ-ի՝ ռեկորդային 23-րդ կարգի։ Մրցաշարը կմեկնարկի կայծակնային խաղով, որի արդյունքներով կկատարվի դասական խաղի վիճակահանությունը։ Վերջին օրը կկայանան արագ խաղի մրցումները։ Դասական պարտիաներում հաղթելու համար շախմատիստները կվաստակեն 2-ական միավոր, ոչ ոքիի համար՝ մեկական։ Արագ խաղի մրցումներում հաղթանակի համար շախմատիստները կվաստակեն մեկական միավոր, իսկ ոչ ոքիի համար՝ 0.5-ական։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։