Ֆյուրի. Եթե Կլիչկոն իսկապես ինձ մենամարտ առաջարկեր, կհամաձայնեի եւ կկոտրեի նրա ծնոտը
21:11 25 դեկտեմբերի, 2013Պատրաստ եմ երդվել կյանքովս, որ Կլիչկոյի հայտարությունը կատարյալ հիմարություն է, քանի որ եթե նա իսկապես ինձ մենամարտ առաջարկեր, կհամաձայնեի եւ կկոտրեի նրա ծնոտը, եւ նա գիտի դա, ասել է պրոֆեսիոնալ բռնցքամարտի բրիտանացի սուպերծանրքաշային անպարտելի Թայսոն Ֆյուրին՝ մեկնաբանելով ուկրաինացի Վլադիմիր Կլիչկոյի հայտարարությունը։
«Վիտալի Կլիչկոն բռնցքամարտից հեռացավ ինձ հետ չմենամարտելու համար, իսկ այժմ նրա եղբայրն է փորձում խուսափել ինձնից։ Նրան անվանում են մեծ չեմպիոն, սակայն Վլադիմիրը չի ցանկանում մենամարտել ինձ հետ։ Այժմ մարտահրավեր եմ նետում նրան»,- բրիտանացու խոսքը մեջբերում է boxingnews.com-ը։
Ավելի վաղ գերծանրքաշային կարգում WBA, WBO, IBF եւ IBO վարկածներով աշխարհի չեմպիոնը հայտարարել է, որ իր ներկայացուցիչները կապվել են Ֆյուրիի գործակալի հետ։ Կլիչկոյի խոսքով՝ բրիտանացու գործակալը նրանց պատասխանել է, որ Թայսոնը դեռ պատրաստ չէ մենամարտին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.