Հայաստանի հավաքականի կիսապաշտպան Հենրիխ Մխիթարյանը դեկտեմբերի 21-ին Դորտմունդի «Բորուսիայի» կազմում մասնակցեց «Հերտայի» դեմ ֆուտբոլի Գերմանիայի առաջնության 17-րդ տուրի խաղին: «Բորուսիան» հյուրերին պարտվեց 1։2 հաշվով՝ երրորդ անընդմեջ պարտությունը կրելով սեփական խաղադաշտում։
Whoscored.com-ը ներկայացրել է Հայաստանի հավաքականի ֆուտբոլիստի վիճակագրությունը «Հերտայի» դեմ խաղում։
Մխիթարյանը գնդակին դիպչել է 87 անգամ, կատարել է 62 փոխանցում՝ 76 տոկոս ճշգրտությամբ։ Հենրիխը երկու հարված է կատարել, որոնցից մեկն ընթացել է դեպի «Հերտայի» դարպասը։ Մխիթարյանը մեկ խախտում է կատարել։ 24-ամյա կիսապաշտպանը ստացել է 7.4 գնահատականը։
Հիշեցնենք, որ 24-ամյա կիսապաշտպանը դորտմունդցիների մեկնարկային կազմում էր եւ մասնակցեց ամբողջ հանդիպմանը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։