ՈւԵՖԱ-ն փոխել է վիճակահանության արդյունքը. Հայաստան vs Ադրբեջան չի լինի
18:36 18 դեկտեմբերի, 2013Մինչեւ 19 տարեկանների Եվրոպայի առաջնության ընտրական մրցաշարում Հայաստան – Ադրբեջան դիմակայություն չի լինի։ Վիճակահանությամբ Հայաստանի եւ Ադրբեջանի հավաքականները հայտնվել էին նույն խմբում։ Սակայն ՈւԵՖԱ-ն փոխել է վիճակահանության արդյունքը։
Նոյեմբերի 28-ին կայացած վիճակահանությամբ 4-րդ խմբում Հայաստանի մրցակիցներն էին Ադրբեջանի, Սլովակիայի եւ Հունգարիայի հավաքականները։ Այժմ Հայաստանը 9-րդ խմբում է, իսկ մրցակիցներն են Իտալիան, Սերբիան եւ Սան Մարինոն, հաղորդում է ՈւԵՖԱ-ի կայքը։ Ընտրական մրցաշարը տեղի կունենա 2014թ. հոկտեմբերի 10-ից 15-ը Սերբիայում։
4-րդ խմբում Ադրբեջանի մրցակիցներն են Սլովակիան, Հունգարիան եւ Սլովենիան։ Այս խմբի ընտրական մրցաշարը կանցկացվի 2014թ. նոյեմբերի 10-ից 15-ը Հունգարիայում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։