Պեկին. Լեւոն Արոնյանի արդյունքը
16:08 17 դեկտեմբերի, 2013Դեկտեմբերի 17-ին ավարտվեց Չինաստանի մայրաքաղաք Պեկինում ընթացող Համաշխարհային մտավոր խաղերի ծրագրով շախմատի մրցումների բասկյան խաղի մրցաշարի առաջին խաղային օրը։ Երրորդ տուրի առաջին պարտիայում Օլիմպիադայի եռակի չեմպիոն Հայաստանի հավաքականի առաջատար Լեւոն Արոնյանը սպիտակներով ոչ ոքի խաղաց ռուսաստանցի Ալեքսանդր Գրիշչուկի հետ։ Շախմատիստները խաղաց ելք կնքեցին 32-րդ քայլում։
ՖԻԴԵ-ի երկրորդ համարը երկրորդ պարտիայում նույնպես միավորը կիսեց Գրիշչուկի հետ։ Պարտիան ավարտվեց 73-րդ քայլում։
Երրորդ տուրից հետո Արոնյանը 3.5 միավորով հինգերորդն է։ Սերգեյ Կարյակինը 5 միավորով գլխավորում է աղյուսակը։ Դեկտեմբերի 18-ին կկայանան բասկյան խաղի մրցաշարի վերջին՝ 4-րդ եւ 5-րդ տուրերը։
Հիշեցնենք, որ առաջին տուրում Արոնյանը երկու պարտիայում հաղթել էր հոլանդացի Գիրի Անիշին, երկրորդ տուրի առաջին պարտիայում ոչ ոքի խաղացել Սերգեյ Կարյակինի հետ, իսկ երկրորդ պարտիայում զիջել ռուսաստանցի շախմատիստին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.