«Եվրոմայդանի» հերոս Վիտալի Կլիչկոն դարձավ աշխարհի պատվավոր չեմպիոն
00:21 17 դեկտեմբերի, 2013Բռնցքամարտի համաշխարհային խորհուրդը (WBC) ուկրաինացի Վիտալի Կլիչկոյին հռչակել է սուպերծանր քաշային կարգում աշխարհի պատվավոր չեմպիոն: WBC չեմպիոնի կանոնավոր տիտղոսն այժմ թափուր է: Սակայն եթե Կլիչկոն որոշի վերադառնալ պրոֆեսիոնալ ռինգ, ապա ապագա չեմպիոնը պետք է առաջինը մենամարտի նրա հետ, հաղորդում է fightnews.com-ը:
Ուկրաինայի ընդդիմադիր շարժումն առաջնորդող Վիտալի Կլիչկոն մտադիր է առաջադրվել Ուկրաինայի նախագահի ընտրություններում՝ 2015-ին:
Վերջին անգամ Կլիչկոն մենամարտել է 2012-ին՝ Մոսկվայում նոկաուտի ենթարկելով Մանուել Չառին:
«Այժմ ես ամբողջովին քաղաքականության մեջ եմ: Ես զգում եմ, որ մարդիկ ունեն իմ ներկայության կարիքը: Եղբայրս կշարունակի զարգացնել իր մարզական նվաճումները, իսկ ես կաջակցեմ նրան այնպես, ինչպես նա է այժմ աջակցում ինձ քաղաքականության մեջ»,- ասել է 42-ամյա Վիտալի Կլիչկոն, որը WBC տիտղոսն առաջին անգամ նվաճել է 2004 թվականին: Վնասվածքի պատճառով նա ընդհատեց կարիերան: Չորս տարվա դադարից հետո Վիտալի Կլիչկոն հաղթեց Սեմյուել Պիտերին եւ դարձյալ հռչակվեց աշխարհի չեմպիոն:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.